وقَفَــه ..!!

اليوم رآآح أبعد عن كلام الخواطر

وعن الفصحى ورآآح أكون بسيطه بأسلوبي

بالبدآآيه :

عمرك أنظلمت ؟؟

أو صرخت من قلب بسبب ظلم ؟؟

وبسبب هالظلم صرت تشووف هالعالم ضيق بعيونك على وسعه ..؟؟

ونزلت دمعه حاره احرقت خدودك ومن حرارتها عجزت تمسحها ؟؟

وصرت تتلفت حواليك وتدور اللي يفهمونك ؟؟

قبل فترة كنت أضحك على خواتي الصغار لما يبكون لاني اشوف ان الاسباب تافهه

بينما هم مايبكون عشان ان السبب تافه ..

لا ..

هم يبكون انهم انحرموا من شي يحلمون فيه ..

او يتمنون يسوونه عشان يحسسون اللي حولهم بوجودهم ..

او يبكون لانهم يبغون يكونون احرار باللي يسوونه مدامه مو غلط ..

ولما جربت هالشعور .. شعور الحرمان وشعور الظلم ..

صرت افكر بخواتي اللي كنت اضحك عليهم ..

احيانا لما تصرخ من قلب مو معناه انك " تبي تفرض رايك وتحصل على اللي تبيه "

معناه انك تبي احد يفهمك وتبين انك مظلوم ..

شعور الظلم شعور قاتل يحد للموت .. وللاسف الظالم دايم يكون عند نظر نفسه انه على صح ..

وهو مايدري انه قدم للمظلوم كفن الموت بيدينه ..

و دائما السطله او السياده هي مصدر الظلم لنا ..

يعني المسؤوليه دائما ماتخلينا نظلم اللي حولنا بسبب حرصنا الزايد ..

والمسؤولين عنا دايم ما يكونون هم شبح الظلم بالنسبه لنا ..

لان مسؤوليتهم احيانا تعميهم عن الحقيقه ..

اكيد كلنا انظلمنا بيوم من الايام وبكينا دم من هالظلم ..

وكلنا مهما كبرنا جواتنا ذااك الطفل الصغير اللي يبي يحقق امنياته البسيطه ويعيش يومه بمرح ..

والطفل لو انحرم من لعبته شوفوا كيف يبكي ..

فما بالكم من انسان كبير لا حرمته من متعته تتوقعون ايش راح يصير ..؟؟

انت تنخلق مره وحده ..

وباليوم تعيش السعاده او الحزن مره وحده بس يتكرر مع الايام ..

ونبتعد عن الحرام لكن للاسف محرومين من الحلال ..

واليوم مو مثل بكرا وبكرا مو مثل بعده وامس مايرجع ..

حتى الوقت نعيشه مره وحده ..

فليش تنتهي ايامنا بدموع ..؟؟

وليش تنتهي ايامنا بدون مانقضيها بسعادة ..؟؟

وليه كل ماهو ممتع ويجلب السعاده لنا ممنوعٌ ؟؟

نصيحه اخيره :

لما تشوف مظلوم يصرخ او يصيح لا تهديه او تعاتبه على هالشي ..

لانك بتكون الحطب اللي يزيد النار بدل ماتكون المويه اللي تطفيها ..

ولما تشوف طفل يبكي لا تقول ليه ؟؟

قول ايش تبي و ترضى ؟؟
وقبل أن تحكم في حل مشكلة
كُن قاضياً عادلاً
لا جلاداً مستبداً
وكُن حكيماً في نظرتكَ للأمور
و لا تكن همجياً يريد أن يفرض آرائه لا أكثر ..