مَهمآآ كآنْ بَوحَكْ لَيْ .. سأ أعَشَقه .. ~

قفلت قبل شوي التلفون من صديقه

 جداً عزيزه على قلبي الله يسعدها وين ما كانت ..

تكلمت معها عن اشياء كثيره ومن ضمنها الهدايا والرسايل

 انه فيه ناس كثيرين ما يدرون كيف يعبرون عن اللي بداخلهم بطريقه حلوه ,,

 و كلامي معها ذكرني بسالفه صارت لي مع " عمتي علياء "

و عطتني ألهآم أنه أكتب موضوع جديد

بعيد عن الخوآطر و آليوميآت

عمتي اقرب شخص لقلبي اعشقها عشق مو طبيعي ,,

بحياتي ما اهديتها هديه او سويت لها مفاجاءه

و كان لي فتره افكر بهديه تكون حلوه و معبره و بسيطه ..

رحت لمحل عطور .. خليته يسوي لي عطر مخلط " فواحه " للبيت ..

الهديه جدا بسيطه ويمكن البعض عاديه عنده ..

اخذتها بكيستها ورحت طقيت عليها الباب وعطيتها اياها ,,

مدري شلون اوصف لكم الفرحه اللي بعيونها , حضنتني بقووه وقالت :

يالشينه ليه تكلفين على روحك قسم يبيلك ضرب .. 

ضحكت وقلت : و ربي يا عميمه ان قدرك اكبر من كذا واتمنى تعجبك ..  

تدرون كم مره شكرتني ,,

 رجعت للبيت و كلمتني و ارسلت و بتلت تشكر ياحبيلها .. 

الهديه جدا بسيطه و صغيره ,

بس تركت اثر كبير بقلب عمتي , و تركت اثر كبير بذكرياتها ,,

 

ومن هالموقف حبيت اوصل فكره .. ~

التكلف بالهدايا وبالرسايل راح يعيق المشاعر اللي توصلونها لقلب الشخص اللي تحبونه

وانتم تقرون كلامي الحين ..!!

 تذكروا الهدايا اللي توصلكم

 و شوفوا ايش اكثر الهدايا اللي تركت اثر بقلوبكم بغض النظر عن الاشخاص

ابصم لكم بالعشره ان اكثر الهدايا اللي اثرت بكم

 هي البسيطه و اللي ما فيها تكلف كثير

واكثر الرسايل اللي تحتفظون فيها هي اللي تحسونها طالعه من قلب

 و كانها سوالف و ما فيها ترتيب بالكلام و رسميه ..

وانا زيكم اكثر هديه اثرت فيني هي " علك "

ادري بتضحكون , بس جد للحين محتفظه فيه لانه ترك شي جواي ..

لاني احب البساطه لانه يأثر فيني اكثر ,,

حتى الكلمات احبها تكون بسيطه طالعه من القلب ,,

و بعيده عن الرسميه ,,

" البساطه بكل شي "

هي الطريقه الوحيده انكم توصلون مشاعركم للطرف الثاني ,,

ونصيحه لاي شخص اللحين يفكر يهدي هديه او يكتب رساله لاحد :

سكروا على نفسكم باب غرفتكم شغلوا اي شي تحبونه

موسيقى هاديه , اناشيد ,اي شي تفضلون تسمعونه

امسكوا اقلامكم , غمضوا عيونكم , تخيلوا الشخص قدامكم

و اتركوا العنان لقلوبكم عشان تعبر ,,

لما تخلصون سكروا اقلامكم ومعها عقولكم ,,

 لا ترجعون تقرون تخطيطاتكم من جديد

لانكم بتحسون انها ما راح تعجب الطرف الثاني او قدره اكبر من هاللي كتبتوه ..

صدقوني اذا كان يحبكم و يغليكم , راح يفرح مو عشان كلامكم او هديتكم

لاااا.. !!

بيفرح لانه جاء على بالكم , لانك قدرت مكانته هالشخص وسويت شي يفرحه ,,

الحياة حلوه لما تنبض قلوبنا بحب اللي حولنا

 و السعاده بالعطاء و العطاء بالبساطه

لانه كل ما تكلفتوا بعطائكم راح يكون حمل ثقيل على الطرف الثاني

 لانه يبي يرد لكم بشي اكثر تكلف من تكلفكم ..

و بكل مره تهدون بعض فيهآ

رآح يحآول كل وآحد منكم يكون اكثر تكلف من آلثاني

لين توصلون لدرجه تشرون بيوت و آرآضي لبعض

وهنآ مصيبه خآصه لآ صرت مفلس ههههههه   

يآ عمه

" وجودك بحياتي هديه , وانتي عطيتني هديتي لما شفت ابتسامتك

و فرحتك بالعطر و يكفي الكيندر اللي كل ما جيت لمك تعطيني اياه   "

الهدايا ’ الرسايل ’ المشاعر " بمعناها مو بثمنها او حجمها "

و هذي بعض نمآذج آلهدآيآ و آلرسآيل  ألغريبه و اللي أثرت فيني .. ~

هذي صورة آلعطر آللي عطيته عمتي 

و اللي هز عرش سعآدتهآآ , ربي يحفظهآآ  

هالحلويآت أعمآرهن و بدون مبآلغه 

سنه أو أكثر  بس مآ اكلتهآ  

و الكرتون الاخضر هو العلك اللي قلت لكم  

انه اكثر شي اثر فيني ..   

   

و هذي من الهدآيآ الغريبه والجميله واللي حبيتها

لانه كل ما اشوفها " افطس ضحححك "

اما الصرصور حكآيته حكآيه  

و هذي صنآديق " رسآيلي "

رسآيل من لمآ كنت بالمتوسط

و دفاتر ذكريات

قراطيس حلاو , سواليف

كل حيآتي و أجمل لحظآتها بين سطور هالرسايل

و هالذكريآت كلها لناس بحيآتي للحين

و نآس توكلوا و رآحوا عن حيآتي

بس أحتفظ فيهآ لان الاوقات اللي حصلت عليها هالذكريات

ثمينه و مقدسه عندي حتى لو كانت بسيطه او عاديه 

كل ثانيه بحياتي اقدسها 

و كل شخص بحياتي له مكانه الخاص 

لان وجوده يكمل " سميه "

طبعاً فيه هدآيآ و رسآيل كثيره غريبه و حلوه

و هذآ مآ يقلل قيمة الهدآيآ و الرسآيل الثمينه عندي

بالعكس كل هديه توصلني لها مكانه خاصه

و فرحه خاصه

بس فيه هدايا تأثر فيني و بقووه

و أغلبهآ من البسيطه و الصغيره

و فيه نماذج كثيره بغرفتي ما صورتها

صورت ذولي بس عشان  اوصل فكره الموضوع لكم ,,

كل الاشخاص اللي تقدسون وجودهم بحياتكم

 رآح يحآفظون على اي شي يذكرهم فيكم ,,

بغض النظر عن هذا الشي هو ثمين او لا ,,

فهمهم الوحيد أنكم تذكرتوهم ..

و هم رآح يتذكرونكم ..

اتمنى فكره الموضوع البسيطه لامست قلوبكم قبل عقولكم ,,

و يارب تكونون فهمتوني ,  

و يارب اني قدرت اساعد اي شخص يحاول يسوي شي حلو

 بس مو عارف وشولون أو كيف ,,

و يالله هذاني ساعدتكم ويين هديتي ههههههههه 

<< اطلعي براا تكفيين  

و سآمحوني على الأطآآله