أَحْسَن لكَ لآَ تتَحدَآنْيَ .. !!

كنت متآخره عن أول محآضره لي بهآلترم 10 دقايق هذا اذا ما كانت اكثر بعد

<< الله من زين الحمآس لبدآيه السنه

دخلت بكل برآئه آلقآعه و خشتي كذآآ >>  

جلست و أنآ " زمله " أن الاستآذه " تكرشن "

و من غير سآبق أي أنذآر سآلتني :

أنتي بتحفظي و ألآ بتفهمي ,,؟؟

 

" فهيت " بخشته شوي و قعدت أهوجس مع نفسي :

" جد , أنآ أحفظ و الا أفهم , معقوله لي بآع طويل بآلدراسه و الفشل و للحين مدري هو أنآ أحفظ والا أفهم ,

امممم بس " آلوكآد " أني ما أحفظ و لا افهم , طيب هآلبرصا ذي وش أقول له "

و يقطع خيوط أفكآري صوته وهي تسآلن مره ثآنيه :

شو , مآ ئلتي لي بتحفظي و الا بتفهمي ..؟؟

 

أنآ : هآآآه , أممم وش أسمه مدري بس شكلي أحفظ ..

 

الأستآذه : حلوو حنآ بدنآ اللي بيحفظوا ,

خلآص حبيبتي المحآضره الجآيه رآح تشرحين لرفئآتك الدرس الجديد ,,

أنآ : و أنتي وش حضرتس ..؟؟

الأستآذه : شوو !!

آنآ : لا لا لا سلامتس و لا شي ,,

رجعت أهوجس مع نفسي : " يملآ الضربه اللي تضربتس أنتي وشوشتس المزيته ذي

 اللحين الناس توهم ما قالوا بسم الله تخلينن اشرح يخ وش هالقراده بـــ .... "

قطع هوآجيسي هرج صديقيتي " ليلى " مع الاستاذه ..

ليلى منهبله : نععععععممم , سميه بتشرح ..؟؟

الاستاذه مستغربه : ايه راح تشرح شو فيها ..؟؟

ليلى لازالت منهبله : لا لا لا لا وشو تشرح .. ماتعرفون سميه كثري ..

أنآ بنفسي : وش تبي ذي ..؟؟

الاستاذه : ليه شو بها سميه ..؟؟

ليلى بضحكه : خلاص خلاص الثلوث بتعرفين استاذه وش به سميه ..

أنآآ قآعده اتامل الحوار و احتري المحآضره تخلص عشآن أتوطى ببطن ليلى واعرف وش قصه اهله ,,

حددت الدكتوره الجزئيه اللي بشرحه و بصراحه تحمست قوه لانه تجربه جديده علي  ,,

لمآ طلعت من المحآضره مسكت ليلى مع بلوزته :

تعآآلي أنتي , وش تحسين بوه تو ..؟؟

ليلى فآطسه ضحك :
سميه بالله بتقنعينن أنه ماراح تجيبين العيد يوم الثلوث كآلعاده ,

سميه تعلمينن بتس انا لي كم ترم اخذ معتس كم ماده

و طول المحاضرات تصيرين خامه خداديتس ونيمه

 و زين لا تذكرتي تدرسين ليله الاختبار ههههههههه

 ياربيه متى يجي الثلوث احس بتصير مسرحيه ضحك مو محاضره ,,

انا اضحك معه : لا ياشيخه يعني تتحدينن اني ما اشرح على سنع ..؟؟

ليلى ماسكه بطنه من الضحك : ايه هييين بس نشووف

 قسم بتجيبين العيد اعرفتس ههههههههههههههه

انا : يا امي صح انا مافيه شي جدي بحياتي

وكل وقتي لعب ونوم بس لا حطيت شي براسي سويته ,,

ليلى ما زالت فاطسه ضحك : ايييه هين بس , ياااربيه قسم اللي يحضر معتس محاضرات

 داعية له امه هههههه الله يرجتس بس,,  اجل بتشرحين ,,

أنآآ :

انا خقيت على كلامه يااحبيله هالخبله ,,

 بس كنت افكر انه لازم اثبت له العكس واني مو دايم انا مستهتره بحياتي ,,

 قبلت التحدي و صاار طعم التجربه شي ثااني ,,

رحت للبيت و كآن عندي يوم الاثنين " أوف " يعني مافيه دوآآم ,,

قمت الساعه 7 الصبح تقهويت روقت جبت اوراقي و اجهزتي وبديت اجهز لشرح يوم الثلوث ,,

اول شي سويته عشان افوز بالتحدي , و بما انه اول مره اشرح لاحد , لازم اتعلم فن الالقاء ,,

دخلت اليوتيوب و فتحت على محاضرات الدكتور " طارق السويدان - فن الالقاء "

و بظرف ساعتين تعلمت شلون أشد انتبآه اللي قدامي للمحآضره و كيف ما اخليها ممله و كيف اوصل المعلومه ,,

لمآ خلصت مسكت الجزئيه اللي فيها الشرح وحفظت " 15 صفحه " عن ظهر قلب ,,

آنآ مو من آلنوع اللي يخآف أنه يوقف قدام مجموعه ناس ويشرح أو يتكلم ,,

 بالعكس أحس بالقياديه لما اكون بهالموقف واتحمس ,,

حتى لو يكون قدامي الف شخص ..

<< ملعيش لا تجدعين من الارانب واجد

احم احم طيب " 500 شخص "

<< قللي بعد يا امي واضحه الكذبه ..

طيييييب خلآآآص 50 زيين

<< ايه حليله

أقول انقلعي بس خل أكمل ,,

آلمهم جآآء آليوم آلموعود ..

يـوم آلثلـوث ,,

 

آول من دخل آلقآعه آنآآ , كنت متحمسه بقوه لدرجه

ودي آروح أجيب آلبنآآت من بيوتهم خخخخ 

جهزت أوراقي , مسحت السبوره , دخلوا البنآت و الاستاذه ,,

الاستاذه بابتسآمه : صبآح آلخير , كيف آلشرح حضرتي كويس ..؟؟

آنآآ و بكل ثقه : صبآآح آلسعآده , طبعا طبعا أكيييد ,,

الاستآذه : يالله ابدي ..
آنآآ كنت آتلفت أدور ليلى : معقوله غابت , هالدببه يآويله تغيب ,,

قمت للسبوره وبديت أشرح ,, و عيني على باب القاعه أحتري ليلى ,,

بعد دقايق دخلت ليلى و تناظرن وهي فاطسه ضحك ,,

آنآآ كآن وجهي كذآآ >>

فررررحت يوم شفته لانه اليوم بوريه وجه ثآني لي ,,

كملت شرحي بكل ثقه و بدون أي خوف و عيوني على ليلى أشوف ملآمح وجهه

و ضحكته اللي تحولت من آبتسآمه لنظرآت ذهووول ,,
الكل كآن منتبه الا ليلى لا يمكن أنسى وجهه وهي مطيره عيونه ومنهبله ,,

كنت فرحآآنه قوووه من جواتي وودي أصرخ من الوناسه

 أنه أنتصرت كنت اتمنى اصور ليلى واحتفظ بملامح وجهه بذآك الموقف
لانه جد ملامحه كآنت حآفز لي أني أعيش دور " الاستآذه "

و أنآآ بنص آلشرح كآنت الاستآذه تنآظرني نظرآت فخر , مدري أعجآب , مدري فرح

و فجآءه قآلت : مشآء الله ..

كلمته طلعت من قلبهآآآ , تجمد العآلم بعيوني , أستحيت و خقيت وانبسطت وكل المشآعر تجمعت
حسيت لاول مره بشعور البنت الدآفوره ,,

و انا خاقه نسيت كل اللي حفظته و توهقت بس الحمد لله تلاحقت عمري

 وانهيت المحاضره بدون ما احد يحس ,,

أكثر شي كنت متحمسه له متى أطلع من القآعه , كنت متعطشه لكلمات ليلى

اللي راح تحسسني بالانتصار ,,

بس قبل لا أطلع قآلت الاستاذه : هذي المآده ماده شرح ,

 ولازم كل محآضره وحده تشرح , مين بيريد يشرح ..؟؟

و لا وحده رفعت يده و كل البنات يتصددون وفجآءه ...!!

 

قالت الاستاذه :
 ليلى انتي راح تشرحين المحاضره الجايه ,,

انا : ههههههههههههههههههه ياربيه اللهم لا شماته 

ليلى وبه الصيحه : لاااااااااا يا استاذه تكفين ما ابي ,,

الاستاذه : لا يا ليلى لازم تشرحي ,,
انا : ياربييييه احسن تستاهلين ههههههههههههههههههههه

 طلعنا من القاعه وانا فاطسه ضحك على ليلى ..

ليلى بذهول : هيييه انتي تعاالي ابيتس تفهمينن وشو اللي صاار تو ,

 معقوله ذي انتي ,,؟؟

انا : لا ذاا خياالي خخخخخخ 

ليلى : لا من جد بصراحه اول مره بحياتي اشوفتس جديه كذااا ,
و لا ارتبكتي و عادي تتكلمين بثقه , يجننننن شرحك يالدبببه ولو يطلع منتس ..

انا بفرحه نصر : اكيييد يا امي المره ثانيه اعرفي من تتحدين ,
 والوعد يوم الاحد الجااي هههههههههههه

ليلى : كولي تبن ياااحمااره قسم زملللله ,,

ذااك اليوم كان جداً مميز , اغلب بنات القاعه شجعوني بكلامهم اني اشرح مليون مره , حتى الاستاذه ,,

بس ماكانت ردود افعالهم تهمني مثل ردة فعل ليلى لانه كل الموضوع مجرد تحدي ,,

<< يعني موب شطآرةً بتس

ليلى :

شكرا أنك عيشتيني جو التحدي و عيشتيني هالتجربه ,
 اللي من بعدها صرت بكل محاضراتي اتحدى نفسي اني اكون افضل من قبل
 و اترك الكسل والاهمال واتخرج باقرب فرصه ,,
حلوو لما يكون بينك وبين صديق عزيز عليك تحدي , و الاحلى لما تنتصر ,,

و من أجمل لحظآت آلسعآدة ,
حين تحقق أشيآء يعتقد آلنآس ..
أنك :
لآ تستطيع تحقيقهآآ ,, !!

تجربه بقمه الروعه و يوم بقمه الحمآس , كآن الكل ينتظر " سميه " وش رآح تسوي ,,

صديقآآتي , البنآت بالتويتر كلمآتهم و دعواتهم لي ذآك اليوم ما رآح انسآها ,
 أمي اللي ما نآمت الظهر تنتظر رجعتي ,,
الكل حسسني بشعور انه اللي راح أسويه " شي عظيم "

 لازم أقدمه على اكمل وجه و بدون اي أخطآء ,,

و أنتهت أجمل تجربه تحدي عشتهآ بالانتصآر ,
و قدرت أثبت للجميع أني أقدر أبدع بأي شيء " بس عطوا سدآح فرصه "

و قبل لآ أنهي سطوري حبيت أوريكم مقطع فديو أقل مآ يقآل عنه أبدآآع ,,

هذآ المقطع قبل لآ أدخل آلقآعه شفته و أثر بي كثييير و

 خلآني أدخل بقوه و ثقه أكثر من القوه والثقه اللي فيني ,,

معآني آلكلمآت آلقصيميه آللي كتبتهآ بآول آلسآلفه :

زمله :
أي شآيله هم ,,

تكرشن :
أي تهآوشني أو تخآنقني ,,

فهيت :
من آلفهآوه أي طيرت عيوني او سرحت ,,

آلوكآد :
و تآتي من " الاكيد " أو مؤكد سيحدث هذآ ,,


<< يآرب وصل آلمعنى


مُشآهدة ممتعه , و أعذروني على آلأطآآله ,,