Korean dinner with best friends .. ♥

بعد التدوينه الأخيره آلكئيبه

خل نلطف الجو بتدوينه جمييله ,,

قبل خمس سنوآت من اللحين طحت بحب شعب

أتعب و أنا أتكلم عنه ,,

و كم مره فكرت أكتب عنه بس أأجل آلفكرة ,,

آلشعب هذآ هو " كوريآ آلجنوبية "

أعشق نآسهم و تعرفت على كم بنت كوريه بالتويتر

بس للأسف ما كملت معهم لأني دبشه بالأنجليزي هع ,,

أموت بتقآليده و عآداتهم و أفكآرهم و حبهم للتطوير ,,

و أدمنت مسلسلآتهم و أفلامهم و برآمجهم ,,

نآس ممتعين و محترمين بغض آلنظر عن السلبيآت اللي فيهم ,,

لأن أيجآبيآتهم تغطي ,,

دولة أتمنى بيوم من الأيآم أزورها و أعيش تحت سمآها ,,

أثروا علي تآثير كبير ,,

تعلمت جزء من لغتهم , أسلوب حيآتي صآر تقريباً زيهم ,,

أكلي , لبسي , طريقه قصه شعري , غرفتي

كل شي بي صار فيه لمسه كوريه , حتى طريقه ألتفكير

على قولة صديقتي منى : انتي كوريه مهجنة ههههههه

المهم مآ لكم بالطويلة ..

قبل فترة أنتشر بين البنآت اللي يعشقون كوريآ

أنه فيه بقآله بالرياض كوريه تبيع كل اكلات كوريآ ,,

اللي يبي يقرأ التقرير حق البقآله بالمدونه الجميلة

على هذآ الرآبط

*
*
*

ONLY JYP NATION

التقرير يهبببببل صرآحه , و يسيح السعآبيل بعد

بعد التقرير فكرت أنه أسوي عشآء كوري ببيتنآ

و بمآ أنه أعز و أفضل 4 صديقآت بحيآتي بيجوني

بيكون أحلى و أحلى خآصه أنه كلنآ نعشق هالشعب ,,

<< حتى بالحُب قآطين سوا

و  أكيد مع آلخبلآت الاربعه بتكون الليلة مميزه ,,

أعرفكم على أكثر ربأعي خرآفي

 منتهيآت , فآصلات , مجنونآت

<< بتنجلد عقب هالهرج

نبدأ بصديقه الطفولة :

نورة

 ننآديهآ " قرير "

فآطمه

 ننآديهآ " فطسه "

نورة 

 ننآديهآ " جحلوط "

فآطمه

 ننآديهآ " توته "

" أقول مآ تلاحظن أنكن مطقمآت بالأسآمي بس أنا لحالي سميه "

الجميلآت ذولي كتبت عنهم قبل كذا هنآ بالمدونة بس حبيت اعرفكم علهيم مرة ثآنيه

التقرير حق البقآله ارسلته لفطسه وقلت له :

بمآ انك يآحلوة بتروحين للرياض قشي لنآ خخخخ ^^

سفيرتنآ فطسه قشت البقآله كله ولو يحصل له تسحب البقآله معه مآ تقصر 

الأربعاء قبل 3 أسآبيع من اليوم أجتمعنآ ,,

و نوروا الحلوآت بيتنآ ,,

كآن الجو غير مع أننا نجتمع كل اسبوع بس مدري ليه كآن غير

يمكن عشآن العشآء خخخخ

ضحك , سوآلف , لعب , هوآش , نسلك لبعض , و نكذب على بعض

كالعآده ,,

كسفوا بي كل شوي قومي جيبي مويه , جيبي منديل , جيبي مدري وشو

أهم شي اني موتهم عطش لين حلفوا أنهم مايجون بيتنا مره ثانيه ههههههه 

وش اسوي مليت وانا كل شوي قايمه , و ثلاث ارباع السوالف تروح عني

و جآء وقت آلعشاء رحت أنا وفطسه المطبخ

و بدينآ نطبخ و نمطرس ,,

اللي موجود بالعشآء :

مكرونة رآمن

كيمشي

دوبكي

الفجل الاصفر

فطسه كآن عليه آلطبخ

و أنا التصوير و المشاهده عن بُعد

<< هذآ اللي أنتي جآيده بوه

بعد آلحوسه و آلمطرسه طلع العشآء بهالشكل ,,

كلنآ كآن أول مره نآكل أكله كوريه ,,

و تقييمي الشخصي للاكل :

مكرونة الرآمن :

 تجنن وتهبل وحاره وبهاراتها لذيذه ,,

الدوبكي :

نعمة من الله ماله طعم و اللي موجوب بالصحن الابيض على اليمين

و انا اكله احس اني آكل مسآحة روكو ,,

الكيمشي :

و اللي موجود باسفل الصور بالوسط كان مقبول نوعاً ما ..

الفجل الأصفر :

و اللي موجود بعد باسفل الصورة

كان طعمه غريب

 حلو و حامض بنفس الوقت

بس ما عجبني ابد ,,

كآن يوم مميز مآفيه أحد قآم يكحكح من الحبحر ,,

و وجيهنآ ما أنكمشت و تغيرت ملامحنآ من الطعم الغريب ,,

أتوقع ان الأكل لو طآبخه أحد يعرف للاكلات الكوريه

بيطلع يجنن , بس عشاننا مانعرف مره صار الطعم غريب ..

الرامن هو الوحيد اللي اعجبنآ

حتى وانا اكتب لكم اللحين اشتهيت اكله ,,

ليلة ممتعه مع أكثر بنآت اعتبرهم خواتي

او بالأصح هم خواتي ,,

كل أجتماع لنا يكون مميز و حلوو وهاليوم كان افضلهم ,,

ليلة كوريه أعجز عن وصفهآ ,,

ليلة تحتوي أروآح لآزلت مُقصرة في أسعآدهم ,,

حتى كلمة " أحبكم " أخجل من نطقهآ ,,

لآن مآ زرعتموه بدآخلي شيء أكبر من آلحُب نفسه ,,

و أخيراً ,,

آلتصوير كالعآده تصويري بس الكآميرا مو حقتي

أنا مُصورة بدون كآميره

كل تصويري اللي قبل من كاميرات 

فطسه &  قرير

الكآميرا :

CANON D600

لصآحبتهآ " فطسه "

<< شفتوني و أنآ أقول صآحبتهآ  

تقسيمآت الصور :

علمتني عليهآ قرير يآحبيلهآ ذوق بالفوتشوب 

و الا انآ ما أدبره ,,

أمآ تأثيرآت الصور :

سويتهآ برنآمج بالأيبآد جداً جميل

 سآعدني تطلع الصور بالشكل الجميل ذآآ

Ps Express

إلى أن نلتقي بتدوينة جديده ,,

و شُكرن جزيلن ,,